Coram PACEY logo
Join
Login
Free resources

Gweminarau ar gyfer Cymru

October 15, 2024

Gweminarau ar gyfer Cymru

Os ydych chi am drafod materion gofal plant pwysig mewn lleoliad cyfeillgar a chefnogol, cofrestrwch i un o’n sesiynau rhyngweithiol a arweinir gan aelod o dîm Coram PACEY Cymru.

Mae ein gweminarau yn eich helpu i gadw’n gyfoes a pharhau â’ch datblygiad proffesiynol o gysur eich cartref.

Mae Coram PACEY Cymru hefyd yn cynnig amrywiaeth o ddigwyddiadau i’ch cefnogi i ddatblygu eich gwybodaeth a’ch arfer.

Dyma beth oedd gan un aelod diweddar i’w ddweud am ei phrofiad gweminar:

“Fy mhryderon am weminar oedd na fyddai fel gweithdy wyneb yn wyneb, ond rwyf wedi darganfod nad yw hynny’n wir. Fe wnaethon ni ryngweithio yn union yr un ffordd gyda’r cyfleustra o beidio â gorfod gyrru i leoliad. (gwarchodwr plant, Cymru)

Gweminarau sydd ar ddod yng Nghymru

Tachwedd 2026

Dydd Mawrth 3 Tachwedd 6:30-7yp, Cymorth Iaith Cymraeg Archebwch yma

Dydd Mercher 4 Tachwedd 10-11:15yb, Sesiwn Friffio* Archebwch yma

Dydd Mercher 11 Tachwedd 6:30-8yp, Fforwm gwarchodwyr plant Archebwch yma

Dydd Mawrth 17 Tachwedd 6:30-8:30pm: Niwroamrywiaeth-Cysylltiad, Rhyngweithiadau ac Ymgysylltiad Chwarae gyda Phlant Niwroamrywiol a’u Teuluoedd Archebwch yma

Dydd Iau 19 Tachwedd 6-7:15yp Sesiwn Friffio* Archebwch yma

Dydd Mawrth 24 Tachwedd 6-7yp, Dechrau’ch taith dysgu Archebwch yma

Dydd Mercher 25 Tachwedd 6-7yp, C&A Cwricwlwm Archebwch yma

Mis Rhagfyr

Dydd Mawrth 1 Rhagfyr 6:30-8yh, Fforwm gwarchodwyr plant  Archebwch yma

Dydd Iau 3 Rhagfyr 10-11:15yb, Sesiwn Friffio* Archebwch yma

Dydd Mercher 16 Rhagfyr 6-7yp, Dechrau’ch taith dysgu Archebwch yma

Dydd Mawrth 15 Rhagfyr 6-7:15yp Sesiwn Friffio* Archebwch yma

Ionawr 2027

Dydd Mawrth 26 Ionawr 6:30-8:30pm: Niwroamrywiaeth-Cynghreiriaeth Rhieni Archebwch yma

Chwefror 2027

Dydd Iau 25 Chwefror 6:30-9pm: Gwydnwch – datblygu’ch gallu i fownsio’n ôl Archebwch yma

*Mae’r gweminarau hyn am ddim i bawb

Mae pob gweminar yn rhad ac am ddim i aelodau, ymarferwyr a dysgwyr Coram PACEY yng Nghymru.

 

Fideo- Ysgrifennu ac adolygu eich polisïau a’ch gweithdrefnau

Dyma’r cyntaf yn ein cyfres o weminarau cymorth cyn cofrestru. Pan ddewch yn warchodwr plant yng Nghymru, mae angen i chi gofrestru gydag Arolygiaeth Gofal Cymru (AGC). Bydd y gweminar hwn yn eich helpu i ysgrifennu polisïau ar gyfer eich cais AGC, neu adolygu’r hyn rydych wedi’i ysgrifennu ar ôl cofrestru. Fel gwarchodwr plant, bydd angen i chi fod yn ymwybodol o’r Rheoliadau sydd yno a bydd y gweminar hwn yn rhoi esboniad o hyn.

Fideo- Ysgrifennu ac adolygu eich Datganiad o Ddiben

Pan fyddwch chi’n cofrestru fel gwarchodwr plant yng Nghymru, mae angen i chi ysgrifennu Datganiad o Ddiben, datganiad personol amdanoch chi a’ch gwasanaethau gwarchod plant. Bydd y fideo hon yn eich helpu i ysgrifennu eich Datganiad o Ddiben, neu ei adolygu os ydych chi eisoes wedi cofrestru.

Fideo- Cwblhau eich Cais Cofrestru (AGC)

Mae’r fideo hwn yn rhoi trosolwg o’r camau nesaf ar ôl ysgrifennu’ch polisïau a’ch gweithdrefnau. Byddwn yn mynd trwy broses Ymgeisio AGC a’r gwaith papur angenrheidiol.  Bydd y fideo hwn yn eich cefnogi i ddefnyddio’r Safonau Gofynnol Cenedlaethol, Rheoliadau, a gwybodaeth arall i ateb y cwestiynau addasrwydd.

Rydym yn argymell eich bod yn gwrando ar y fideos Datganiad o Ddiben ac Ysgrifennu’ch Polisïau a Gweithdrefnau yn gyntaf.

Cyn-gofrestru

Sesiynau briffio
Pam dewis bod yn warchodwr plant cofrestredig neu nani gymeradwy?

Os ydych chi’n frwd ynglŷn â rhoi’r dechrau gorau posib i fywyd i blant a hoffech gael gyrfa sy’n gweddu i’ch ymrwymiadau teuluol, yna gallai gyrfa fel gwarchodwr plant cofrestredig fod yn ddelfrydol i chi. Mae’r gweithdy hwn yn amlinellu manteision dod yn warchodwr plant, a sut y gallwch feithrin eich sgiliau a datblygu busnes wrth gefnogi plant a theuluoedd yn eich cymuned leol.

Bydd y weminar hwn yn egluro rolau gwarchodwr plant cofrestredig a nani gymeradwy, yn ogystal â’ch galluogi i wneud y canlynol:

  • Deall y broses gofrestru neu gymeradwyo
  • Ystyried ai gwarchod plant neu ddod yn nani yw’r dewis gyrfa cywir i chi
  • Deall y camau nesaf
Ysgrifennu eich polisïau a'ch gweithdrefnau
Dyma’r cyntaf yn ein cyfres o weminarau cymorth cyn cofrestru. Pan ddewch yn warchodwr plant yng Nghymru, mae angen i chi gofrestru gydag Arolygiaeth Gofal Cymru (AGC). Bydd y gweminar hwn yn eich helpu i ysgrifennu polisïau ar gyfer eich cais AGC, neu adolygu’r hyn rydych wedi’i ysgrifennu ar ôl cofrestru. Fel gwarchodwr plant, bydd angen i chi fod yn ymwybodol o’r Rheoliadau sydd yno a bydd y gweminar hwn yn rhoi esboniad o hyn.

Yn dilyn y gweminar hwn, byddwch yn gallu:

  • Deall gwybodaeth berthnasol sy’n ofynnol yn eu Polisïau a’u Gweithdrefnau i leoliadau gwarchod plant yn unol â rheoliadau AGC.
  • Deall sut i ddefnyddio’r canllawiau i gofrestru/diweddaru eich gwasanaeth.
Cwblhau eich cais AGC
Dyma’r drydedd yn yn ein cyfres o weminarau cymorth cyn cofrestru. Mae’r gweminar hwn yn rhoi trosolwg o’r camau nesaf ar ôl ysgrifennu’ch polisïau a’ch gweithdrefnau. Byddwn yn mynd trwy broses Ymgeisio AGC a’r gwaith papur angenrheidiol.  Bydd y gweminar hwn yn eich cefnogi i ddefnyddio’r Safonau Gofynnol Cenedlaethol, Rheoliadau, a gwybodaeth arall i ateb y cwestiynau addasrwydd.

Yn dilyn y sesiwn hon, byddwch yn gallu:

  • Adnabod y wybodaeth berthnasol sydd yn ofynnol o gais cofrestru AGC
  • Paratoi i gwblhau’ch cais cofrestru gan ddefnyddio canllawiau PACEY Cymru ac AGC

Rydym yn argymell eich bod yn mynychu’r gweminarau Datganiad o Ddiben ac Ysgrifennu’ch Polisïau a Gweithdrefnau cyn hyn.

Dechrau'ch taith dysgu
Mae’r weminar hon ar gyfer y rhai sydd wedi cofrestru i gwblhau’r uned Cyflwyniad i Ofal Plant yn y Cartref (IHC) gyda PACEY Cymru, gan gynnwys y rhai a fydd yn mynd ymlaen i gwblhau Paratoi ar gyfer Ymarfer Gwarchod Plant (PCP). Yn ystod y sesiwn byddwn yn cynnig awgrymiadau a chymorth i’ch helpu i gychwyn ar eich taith dysgu. Bydd cyfleoedd i ofyn cwestiynau, trafod arfer da, a bwrw golwg ar yr hyn sydd gan y platfform dysgu i’w gynnig.

Ar ôl y weminar, byddwch yn gallu:

  • Cyrchu’r adnoddau sydd eu hangen i ddechrau’ch cwrs
  • Deall sut i lywio’r platfform
  • Ystyried sut i reoli’ch amser i gwrdd â’r dyddiad cau
  • Deall gofynion y meini prawf asesu
  • Gwybod sut a phryd i gyfeirnodi’ch gwaith
Datganiad o Ddiben
Dyma’r ail yn ein cyfres o weminarau cymorth cyn cofrestru. Pan fyddwch chi’n cofrestru fel gwarchodwr plant yng Nghymru, mae angen i chi ysgrifennu Datganiad o Ddiben, datganiad personol amdanoch chi a’ch gwasanaethau gwarchod plant. Bydd y sesiwn hon yn eich helpu i ysgrifennu eich Datganiad o Ddiben, neu ei adolygu os ydych chi eisoes wedi cofrestru.

Yn dilyn y gweminar hwn, byddwch yn gallu:

  • Nodi’r wybodaeth berthnasol sy’n ofynnol yn eu Datganiad o Ddiben
  • Paratoi eu Datganiad o Ddiben gan ddefnyddio canllaw PACEY Cymru ac AGC
C&A cyn-gofrestru
Ydych chi’n cofrestru fel gwarchodwr plant yng Nghymru? Oes gennych chi gwestiynau am eich taith gofrestru?

Mae PACEY Cymru yn eich gwahodd i ymuno â’n sesiwn galw heibio ar-lein C&A cyn-gofrestru misol. Mae’n gyfle i chi ofyn cwestiynau a cheisio cyngor. Bydd y sesiynau’n anffurfiol ac yn hamddenol ac yn gyfle i sgwrsio â thîm PACEY.

Fforwm gwarchodwyr plant

Fforwm gwarchodwyr plant
Mae PACEY Cymru yn eich gwahodd i gadw lle ar ein Fforymau Gwarchodwyr Plant misol newydd. Yn y fforwm hwn cewch gyfle i gael diweddariadau, trafod ymholiadau, rhannu arferion da ac, ar adegau, clywed gan siaradwyr gwadd. Ein gobaith yw cadw’r sesiynau hyn yn anffurfiol ac yn hamddenol, gan roi’r cyfle i bobl gysylltu ag eraill yn rhithiol.

Arfer Proffesiynol (darparu gwasanaeth gwarchod plant o safon)

Camau at Ddiogelwch - Asesiadau Risg
Nod y weminar hwn yw eich helpu i gydnabod pwysigrwydd asesiadau risg ac archwilio sut mae cyflawni asesiadau risg effeithiol a’u cofnodi, a sut mae dechrau cwblhau asesiad risg effeithiol ar gyfer eich lleoliadau eich hun.

Yn dilyn y weminar hwn, byddwch yn gallu:

  • Disgrifio beth yw asesiadau risg a nodi’r rhesymau pam eu bod nhw’n bwysig
  • Ystyried lefelau risgiau a’r camau y gellir eu cymryd i leihau’r rhain
  • Ystyried gwahaniaethu risgiau yn dibynnu ar oedran plant a’u cam datblygu
Paratoi ar gyfer arolwg
Nod y weminar hon yw archwilio sut y gall darparwyr gofal plant cofrestredig baratoi ar gyfer eu harolwg, gan gynnwys cyfleoedd i hyrwyddo a thystiolaethu ansawdd y lleoliad yn ystod y broses.  Byddwn yn archwilio sut y gall defnyddio Canllawiau Darparwyr Arolygu a Sgorio AGC gefnogi dealltwriaeth o raddfeydd a gwella ansawdd ym mhob thema o’r Fframwaith Arolygu.

Yn dilyn y weminar hon byddwch yn gallu:

  • Deall proses arolygu’r AGC a’r hyn i’w ddisgwyl
  • Paratoi ar gyfer eich arolwg AGC
  • Adnabod sut i dystiolaethu a hyrwyddo ansawdd eich gwasanaeth
  • Deall y sgôr a myfyrio ar eich ymarfer
Cwblhau eich Adolygiad Ansawdd Gofal blynyddol
Mae’r weminar hwn wedi’i dargedu at y rheiny sy’n paratoi i gwblhau eu Hadolygiad Ansawdd Gofal blynyddol. Mae’n edrych ar fanteision hunanasesu a’r meysydd o arfer gofal plant y gallech eu cynnwys yn eich adroddiadau. Yn dilyn hwn, byddwch yn deall sut mae cwblhau eich Adolygiad Ansawdd Gofal a chynllunio blaenoriaethau i’w gwella.

Yn dilyn y weminar hwn byddwch yn gallu:

  • Deall pwysigrwydd hunan-fyfyrio
  • Myfyrio ar feysydd o arfer gofal plant mewn perthynas â themâu Fframwaith Arolygu AGC
  •  Gwybod pa wybodaeth sydd angen ei chynnwys yn eich Adolygiad Ansawdd Gofal.

Dyma beth oedd gan un aelod diweddar i’w ddweud:

Yn ôl ym mis Chwefror ymunais â’r gweminar ysgrifennu adroddiad Ansawdd Gofal ac, o ganlyniad, newidiais y ffordd rwy’n ysgrifennu fy adroddiad fy hun. Cefais fy arolwg hirddisgwyliedig ddoe, a’r sylw gan yr arolygwr oedd mai fy Adroddiad Ansawdd Gofal i yw o bosib yr un gorau a welodd hi erioed. Yn bendant yn werth aberthu noswaith werthfawr i fynychu’r hyfforddiant.

Datblygiad Proffesiynol Parhaus

Cyflwyniad i gefnogi meddwl plant
Cyflwyniad i gynorthwyo plant i feddwl – Rhan 1

Bydd y weminar yma yn eich helpu i godi ymwybyddiaeth o sut y gallwch gefnogi meddwl plant, gan gynnwys gweithgareddau sy’n ymwneud â thasg a ffocws, datrys problemau a datblygu’r dychymyg. Mae ffocws cryf ar lesiant a hunanreoleiddio trwy ryngweithio sensitif ag eraill trwy gydol yr hyfforddiant. Byddwn yn trafod sut y gall hunan-fyfyrio a’r rhyngweithio rhwng oedolyn a phlentyn wella ansawdd y ddarpariaeth a lles plant sy’n annog cynnydd yn ansawdd y gofal.

Yn dilyn y weminar hon byddwch yn gallu:

  • Deall beth yw ystyr meddwl ar y cyd parhaus o ran datblygiad plant
  • Archwilio’r defnydd o feddwl ar y cyd parhaus er mwyn cefnogi lles emosiynol y plentyn
  • Myfyriwch ar y cyfleoedd a ddarperir yn eich lleoliad

Cynorthwyo plant i feddwl  – Rhan 2

Mae’r weminar hon yn dilyn ymlaen o’r cyflwyniad i gefnogi meddwl plant lle byddwn yn edrych ar sut i ddefnyddio’r Meddwl Cyson a Rennir a Lles Emosiynol (SSTEW) fel Pecyn Cymorth hunan-fyfyriol. Wnawn eich tywys drwy’r adnodd a darparu senarios i gefnogi arfer da trwy edrych ar bump is-raddfa SSTEW sy’n cynnwys: (i) Adeiladu ymddiriedaeth a hyder, (ii) Lles cymdeithasol ac emosiynol, (iii) Cefnogi ac ymestyn iaith a chyfathrebu, (iv) Cefnogi dysgu a meddwl yn feirniadol, (v) Asesu dysgu ac iaith. Trwy gydol y gweithdy hwn byddwn yn egluro cysyniad Pecyn Cymorth Graddfa SSTEW.

Yn dilyn y weminar hon byddwch yn gallu:

  • Deall pwrpas Pecyn Cymorth SSTEW
  • Defnyddiwch Raddfa SSTEW fel adnodd hunan-fyfyriol i wella’ch datblygiad proffesiynol
Cyfathrebu Hyderus - Pendantrwydd
A ydych chi wedi’i chael hi’n anodd cynnal sgyrsiau heriol gyda theuluoedd? Nod y weminar hwn yw eich cefnogi i ddod yn fwy pendant ac i’ch annog i ddefnyddio strategaethau i helpu i wella eich hunan-barch a hyder.

Yn dilyn y weminar hwn, byddwch yn gallu:

  • Deall pwysigrwydd hunanddelwedd a hunan-barch
  • Deall beth mae pendantrwydd yn ei olygu
  • Nodi strategaethau i gyfathrebu’n fwy hyderus
Fy llais, Fy newis - Hawliau plant a chyfranogi
Nod y gweithdy hwn yw eich gwneud yn fwy ymwybodol o sut mae hyrwyddo hawliau plant a chyfranogi yn effeithiol gyda phlant yn eich gofal a’u teuluoedd. Byddwn yn egluro’r manteision amrywiol, gan gynnwys er lles hyder a hunan-barch y plant wrth iddynt dyfu’n oedolion gyda’r sgiliau y maen nhw wedi’u datblygu drwy gyfranogi.

Yn dilyn y weminar hwn, byddwch yn gallu:

Diffinio cyfranogiad effeithiol

  • Adnabod arfer da cyfredol
  • Datblygu sgiliau i gasglu tystiolaeth ar gyfer AGC o ran llais plant yn eich lleoliad
  • Defnyddio’r dystiolaeth i fyfyrio a gwella eich arfer chi

Datblygu Busnes Gofal Plant

Tyfu fy musnes
Mae’r weminar hwn yn canolbwyntio ar sut mae gwella eich busnes, gan roi cymorth ac arweiniad i chi ynghylch gweithredu elfen fusnes o’ch gwasanaeth gofal plant. Bydd gennych gyfle i wella eich dealltwriaeth o amrywiaeth o ffactorau sy’n effeithio ar y modd rydych chi’n cynnal ac yn datblygu eich gwasanaeth, gan gynnwys llenwi swyddi gwag, rheoli eich arian, cadw cofnodion ac adolygu polisïau a gweithdrefnau.

Yn dilyn y weminar hwn, byddwch yn gallu:

  • Edrych ar offer a strategaethau i farchnata eich busnes gofal plant
  • Deall gofynion cadw cofnodion
  • Ystyried cynllunio ariannol a goblygiadau cynnal busnes proffesiynol
  • Gwybod ble i gael cyngor a chefnogaeth gan eraill
Cymorth ymgeisio am grant
Nod y gweminar yw cefnogi darparwyr gofal plant cofrestredig i baratoi cais grant o safon uchel. Byddwn yn ystyried sut gall grant gefnogi’ch lleoliad, y mathau o grant y gallwch ymgeisio ar eu cyfer, beth i ymgeisio ar ei gyfer a pha gymorth sydd ar gael i chi.

Yn dilyn y gweminar, byddwch yn gallu ystyried:

  • y broses ymgeisio am grant
  • y wybodaeth sydd ei hangen
  • sut gall grant gefnogi’ch lleoliad
  • sut i baratoi cais grant llwyddiannus
Cymorth i'r rhai sydd newydd gofrestru
Mae’r weminar hon wedi’i hanelu at warchodwyr plant sydd newydd gofrestru a fyddai’n hoffi cymorth, arweiniad neu syniadau newydd ar ddatblygu eich gwasanaeth gwarchod plant newydd. Gobeithiwn y bydd hyn yn rhoi cyfle ichi ofyn cwestiynau a chysylltu â gwarchodwyr plant eraill sydd newydd gofrestru a rhannu eich syniadau.

Datblygiad Iaith Cymraeg

Cymorth Iaith Cymraeg
Chwilio am ffyrdd i gyflwyno Cymraeg yn eich arferion a’ch gweithgareddau beunyddiol? Mae pob gweminar Datblygu Iaith Cymraeg 30 munud yn cynnig geirfa yn seiliedig ar thema wahanol y gallwch ei defnyddio yn eich trefn ddyddiol. Byddwch hefyd yn derbyn dolenni i adnoddau pellach yn dilyn y gweminar, ynghyd â chymorth ffôn ac e-bost unigol i’ch helpu i symud ymlaen ymhellach. Mae’r gweminar yn addas i’r rhai sydd ag ychydig neu ddim sgiliau Cymraeg hefyd ar gyfer y rhai sy’n dymuno datblygu eu hyder i ddefnyddio’r iaith.

Yn dilyn y gweminar hwn, byddwch yn gallu:

  • Cyflwyno Cymraeg mewn gweithgareddau ac arferion bob dydd ar thema benodol i gefnogi datblygiad Cymraeg plant
  • Myfyrio ar arfer presennol a nodi ffynonellau hyfforddiant neu gefnogaeth bellach
Gall PACEY Cymru gyflwyno Gweminarau ar ystod eang o bynciau, byddem yn hapus i drafod y rhain gyda chi.

Latest News

Stay up to date with the latest news, advice and updates from Coram PACEY

View all articles

Socials

Get your daily dose of all that’s going on in the childcare and early years sector